| 好耐無打了, 早排上過電台表演, 主持人invite我地band今日去赤柱監獄表演, e次機會好難得, 係我生命寫上新一種感受, 赤柱監獄係for終身監禁既犯人, 我今之第一次入去監獄, 第一次就見終身監禁既人都有d驚, 因為知道今日e班都係殺人犯, 但係一見面, 比我既感覺佢地好nice, 一d都唔係想像中兇神惡殺, 每一個睇落去都唔似係一個犯人, 經過了解原來佢地每一位都已經係度十幾年, 我完全想像唔到一個人困係一個咁既地方十幾年會點, 一家好辛苦, 但係佢地無放棄, 加上佢地都係基督徒, 心靈上有安慰, 佢地有d都讀緊書, 因為入面有同OU搞課程, 都係學士, 聽講有d係入面有人有2個學士學位tim, 仲勁過我, 其實佢地好開心我地今日bring alone with our 樂器去探佢地, 因為真係無機會見到, 講起我地夜晚要去會展出show, 佢地都未必知有會展新翼既存在, 希望有一日佢地出黎見番e個世界, 原來香港法律上終身監禁唔係一定一位都係入面, 只要20年做一個review, 再睇下坐多5~7年就可以出番黎, 而同"性"有關既就可能耐d, 其實咁都好, 因為比人一個更新機會, 有一個希望, 係sharing當中我深深feel到佢地對家人既愛, 成日睇電視話掛屋企人就多, 第一次親耳聽到大家既sharing, 有位好掛住個仔, but未出世已經入左黎坐, 佢又好擔心個仔想唔想要佢e d dad, 另外有位印度既朋友佢搵福利官搵左dad好多年都無回音, 心入面只希望見到dad一次, 因為怕出黎既時候已經再無機會見面, 好好上天安排, 係琴日終於見番面, 佢都不禁流下男兒淚, 令我更加珍惜同屋企人既時間, 今次e個機會我真係好多謝當日香港電台主持人羅小姐, 令我了解到可能被人忽視or歧視既一班人既生活, 希望有一日可以係社會上見番佢地, 支持更生 共建安穩社群 |
